Bago Mag-sangla, Alamin Kung Ano Ang Gold Jewelry Appraisal

Blog • 03-15-2021

Sa panahon ngayon, mahalaga ang magkaroon ng iba’t ibang investments. Pwede ka kumuha ng mga investment plans sa mga companies, o mag-open ng bank accounts with high interest rates. Pero syempre, kailangan mo pa itong bigyan ng oras at effort para pag-aralan at maintindihan bago ito lumago.

Kaya lang, paano naman kung kailangang-kailangan mo na ng pera? Saan ka kukuha nito? Dito pumapasok ang importansya ng pagkakaroon ng gold jewelry. Ang daming dahilan kung bakit sulit ang gold investment. Maliban sa madali mo itong mapapalitan sa pera sa oras ng kagipitan, consistent na mataas ang demand sa gold, dahil maraming pwedeng paggamitan nito.

Pero bago ka pumunta sa pinakamalapit na pawnshop, kailangan mo munang malaman kung paano ba ginagawa ang appraisal. Ang appraisal ay ang estimated worth or value ng isang item, tulad ng alahas. Ang gumagawa ng appraisal ay ang mga authorized appraisers ng mga authorized na pawnshop. Mahalagang malaman mo kung paano ito ginagawa para naman mas ma-estimate mo ang makukuha mong pera kapag isinangla mo ang gold jewelry mo.

Kaya sa article na ito, alamin kung ano ang mga bagay na dapat mong bigyang-pansin pagdating sa gagawing appraisal sa balak mong isangla.

 

mar-gold-jewelry-appraisal-1Photo courtesy of Cornelia Ng via Unsplash

1. Purity

‘Pag nakakarinig ka na may 24 karat gold jewelry itong kakilala mo, ano ang una mong reaksyon? Kadalasan, ang reaksyon ng iba ay “Wow, ang sosyal!” Pero ano bang ibig sabihin ng 24 karat na yan at napapa-wow ang iba?

Ang karat ay ang ratio ng pure gold to alloy metal tulad ng silver or copper. Hinahaluan talaga ng alloy metal ang pure gold dahil malambot ang pure gold, kaya kailangan nito ng mga ibang metal para magamit sa paggawa ng alahas. Dahil dito, kapag mas mataas ang karat ng gold jewelry mo, siguradong mas mataas ang makukuha mong value nito.

Pero Suki, hindi naman dahil 10 karat or 14 karat lang ang gold jewelry na meron ka, hindi mo na ito maaaring isangla or gawing gold investment. Pwede pa rin naman, mas mababa nga lang ang halaga pero mas magagamit mo naman ito sa pang-araw-araw.

Advisable na gamitin ang mga mas mababang karat na jewelry dahil may iba itong halong metal na mas matibay. At tsaka, ilabas mo lang ang 24 karat mo kapag mga pangmalakasan at sosyaling events. Iwas-nakaw pa sa jeep kung lalabas ka lang pala mag-grocery o papasok sa trabaho.

 

mar-gold-jewelry-appraisal-2Photo courtesy of Diana Polekhina via Unsplash

2. Cleanliness

Ang malinis na gold jewelry ay maganda na sa paningin, maaaring maganda pa ang makuhang halaga! Baka mapakunot lang ang noo ng mga tao sa pawnshop kapag nagdala ka ng gold na singsing na may putik pa or may alikabok. Dagdag pa dito, malaking kabawasan ang dumi sa kinang ng alahas mo, na susi para maging mas kaakit-akit pa ito.

Kaya naman, ugaliing linisin ang mga alahas mo. Hindi mo naman kailangang lumabas pa at humanap ng maglilinis ng gold investments mo, dahil simpleng mga jewelry cleaning hacks lang ang maaari mong subukan.

 

mar-gold-jewelry-appraisal-3Photo courtesy of Alexander Mils via Unsplash

3. Presyo

Mahalaga ring malaman ang presyo ng gold jewelry na meron ka. Paano mo nga naman ma-e-estimate ang appraisal nito kung wala kang idea kung magkano ito nung binili mo? Paano kung binili mo lang ito out of impulse or nagandahan ka lang basta? Kaya mahalaga rin talaga na bago bumili ng alahas, magbasa muna ng gold shopping guide para naman masulit mo ang paggamit at pagsangla nito.

Eh pano naman kung bigay lang pala sayo yung gold na singsing or hikaw mo? Hindi naman okay na itanong ang presyo nito, lalo na kung kunwari ito ay nanggaling pa sa ex mo.

Ang pwede mong gawin ay tingnan ang brand ng gold jewelry na meron ka, lalo na kung nasayo pa ang kahon nito. Kung mga top jewelry brands ito tulad ng Cartier or Bulgari, maaaring maging mataas ang appraisal nito.

 

mar-gold-jewelry-appraisal-4Photo courtesy of Paolo Cifuentes via Unsplash

4. Quality

Totoo ba yung gold jewelry mo? Masasagot mo ito agad kung bumili ka sa mga kilalang jewelry stores, lalo na kung ikaw pa ang pumili ng design nito sa mismong store. Pero kung nabili mo lang ito sa tabi tabi at paniwalang-paniwala ka naman sa sinabi ng nagtitinda sa kalidad nito, dapat mo muna itong i-check sa pamamagitan ng iba’t ibang tests. Maaaring sundan ang mga easy steps para malaman kung ja-fake ang iyong alahas, at pwedeng-pwede mo itong gawin sa bahay.

Makakatulong din kung alam mo ang pinagkaiba ng gold-filled versus gold-plated. Ang mga gold-filled na alahas ay mas mataas ang value dahil hindi ito basta bastang nag-fafade at nagagasgasan. Pang-forever, kumbaga.

Ang gold-plated naman na alahas ay gumagamit ng mga non-gold na base materials, bago nilalagyan ng molten gold coat. Mas madali itong magasgas or mag-fade. Budget-friendly ito kaya malamang mas mababa din ang appraisal.

 

mar-gold-jewelry-appraisal-5Photo courtesy of Jess @ Harper Sunday via Unsplash

5. Functional Pieces

Sabihin nating may 24 karat ka nga na necklace, pero nagagamit mo pa ba ito? Kumusta naman yung hooks at chain nito? Syempre, dapat maayos at nagagamit pa rin ang gold jewelry mo kapag naisipan mo na itong isangla. Sayang naman kung pendant na lang ang maisasangla mo dahil nasira mo yung buhol buhol na chain ng necklace mo.

Kaya kung meron ka ng gold jewelry, ugaliing alagaan ito hindi lang sa pamamagitan ng maayos na paglilinis nito. Para sa mga gold pieces na maaaring magkabuhol buhol tulad ng chains o kaya maaring mawala agad tulad ng pakaw ng mga hikaw, ilagay ito sa mga hiwa-hiwalay na kahon o kaya sabitan.

Iwasan rin ang pagsuot ng kahit anong alahas kapag magswiswimming sa beach o pool, at kung maghihiking sa bundok. Good luck naman sa paghahanap ng singsing o hikaw sa dagat o sa bundok kapag nalaglag ito.

 

mar-gold-jewelry-appraisal-6Photo courtesy of Vaibhav Nagare via Unsplash

6. Rarity

Sabi nila, bawat alahas ay may kwento. At ang bawat kwento na meron ang alahas mo ay makakaapekto sa presyo nito, lalo na kung tipong mala-panahon pa ni Magellan ang gold jewelry mo. Ang mga antique na alahas o gamit ay tunay na mataas ang magiging appraisal, dahil mahirap na hanapin ito o nag-iisa lang ito. Ito nga siguro yung mga tipong tinuturing na national treasure at dapat ilagay sa National Museum.

Kung ang alahas din ay custom-made, maaari ring maging mataas ang appraisal value nito. Ito ay dahil tulad ng antique, nag-iisa lang ang design nito. Pero syempre, karaniwang nabibigyan ng mataas na value ay kung gawa ito ng mga kilalang or malalaking jewelry brands at kung maganda ba ang design nito.

Ang gold investment ay napakagandang investment. Pwede mo itong gamitin araw araw o kaya isuot lang sa mga pangmalakihang events. At sa panahong nangailangan ka ng pera, pwede mo itong isangla. Ugaliin lamang na i-check ang mga nabanggit sa article na ito para naman mas ma-estimate mo ang makukuha mong halaga at alin-alin sa mga gold jewelry mo ang pwedeng-pwede mo isangla.

Related Article