Your Wais Guide To Palawan Express Online Pera Padala

Blog

October 12, 2021

Your-Wais-Guide-To-Palawan-Express-Online-Pera-Padala

Kailangan mo bang magpadala ng pera sa iyong kakikilala subalit natatakot kang lumabas dahil sa pagkalat ng bagong variant? Lockdown na naman ba sa inyo at hindi mo sigurado kung kailan pwedeng lumabas?

Walang problema dahil handog ng namin ang Palawan Express Online Pera Padala. Kering-keri na ang pagpapadala gamit ang online transaction.

Sa paniniwalang walang kuskos-balungos pagdating sa pera padala, handog namin ang Palawan Express Online Padala. Safe at secure hindi lamang ang inyong perang pinaghirapan, pati narin ang inyong kalusugan dahil maaari ka nang magpadala sa loob ng inyong tahanan.

Ready ka na bang ipagyabang sa mga bagets na techie ka, Suki? Sundin ang suki-friendly steps sa ibaba on how to send money to palawan express online.

Ano ang Palawan Express Online Pera Padala?

Ang Online Pera Padala ay isa sa mga paborito at tested na serbisyo ng Palawan Express Suki kagaya mo.

Sa online transaction na ito, wala nang pila-pila o pagbibilad pa sa init ng araw habang naka-faceshield. O’ di ba? Sitting pretty ka lang sa bahay at papindot-pindot tapos may successful and safe transaction ka na!

No hassle talaga ang pagbabayad ng utang at bills sa tulong ng online na serbisyong ito. Kaya't ano pang hinihintay mo? Narito ang mga dapat tandaan tuwing magpapadala ng pera sa Palawan Express Online Pera Padala.

Online Pera Padala Checklist

Dalawang tao ang kailangan mong isipin tuwing magpapadala ka ng pera online. Ito ay ikaw bilang Sender at ang papadalhan mo ng pera o ang Receiver ng pera.

Ang mga sumusunod ang mga impormasyon na mahalagang ihanda mo bago umpisahan ang transaksyon:

Para sa Sender o ang magpapadala:

  • Complete Name
  • Cellphone Number (Siguraduhin na active ang number na ito, Suki!)
  • Birthday
  • Email Address
  • Complete Home/Location Address
  • Mobile Bank or App Payment account

Para sa tatanggap ng padala sa Palawan Pawnshop branch:

  • Complete name ng Sender
  • Complete name ng Receiver
  • PEPP Transaction Code (Makukuha ito ng Sender pagka-fill up ng online form)
  • Amount of remittance
  • Isang valid ID

Paano gamitin ang Palawan Express Online Pera Padala form?

  1. Pumunta sa Palawan Pawnshop website
  2. I-fill out ang Sender Details Form
  3. Sagutin ang Transaction Details form
  4. Suriin nang mabuti ang impormasyon ibibigay
  5. Pumunta sa mobile bank o app para kumpletuhin ang bayad
  6. I-confirm ang bayad o payment option
  7. Kumpletuhin ang pera padala form
  8. Ilagay ang OTP para i-verify ang transaksyon
  9. I-save ang transaction number

Kung medyo nalilito ka, Suki, pwedeng basahin ang easy-to-follow steps sa ibaba:

1. Pumunta sa Palawan Pawnshop website

Pumunta sa Palawan Pawnshop website at pindutin ang green button sa kanan, bandang itaas kung saan nakasulat ang “Online Padala”. Dadalhin ka nito sa ibang page. Pindutin sa page na ito ang “Proceed to Padala” kung sumasang-ayon ka sa Terms and Conditions ng Palawan Pawnshop.

2. I-fill out ang Sender Details Form

Ilagay at i-fill out ang Sender Details o mga personal na impormasyon na hinihingi sayo. Kasama dito ang mobile number, pangalan, email address, at home address. Pagkatapos sagutan lahat, pindutin ang ‘Next’ button.

Huwag mag-alala at matakot na sagutan ang detalyeng ito dahil sinisigurado ng Palawan Pawanshop na protektado ang impormasyon at pera mo. Ganyan ka ka-love ng Palawan Express Team, Suki!

3. Sagutan ang Transaction Details form

Ngayon, sagutan naman ang Transaction Details form.

Dito mo ilalagay ang impormasyon ng Receiver o ang tatanggap ng pera. Importanteng ilagay dito ang Receiver’s Name (Pangalan ng Tatanggap), Amount of Transaction (Magkano ang pera na ipapadala), at Payment Option (BDO o Coins.ph).

Sa ngayon, mga available na payment options ay BDO, Instapay, Coins.ph at BPI, pero ‘wag ka magalala Suki! Sisiguraduhin namin na padadamihin pa namin ang options para sainyo.

4. Basahin muli nang mabuti ang impormasyon ibibigay

Pagkatapos mo sagutan ang dalawang form, suriin nang maigi ang impormasyon na inilagay.

Siguraduhin na tama ang mga detalye na iniligay tulad ng Pangalan, Address, at mobile Number.

Kapag may nakita kang mali, bumalik sa form at i-tama. Kung okay na lahat, click ‘Continue.’

5. Pumunta sa mobile bank o app para kumpletuhin ang bayad

Ngayon, kumpletuhin mo na ang bayad gamit ng mga mobile bank o app na iyong pinili as Payment Option.

Para sa mga gagamit ng BDO Online Banking:

  • Pumunta sa iyong BDO App or website
  • Kumpletuhin ang bayad via Bank Transfer o Send Money.

Para sa mga gagamit ng Coins.PH:

  • Pwede ka na mag-pera padala gamit ng iyong preferred method (Email/SMS/Facebook o i- Scan QR Code).

6. I-confirm ang bayad o payment option

Pagkatapos mag-transact sa mobile bank o app, kopyahin ang payment reference number ng iyong piniling platform:

Para sa mga gagamit ng BDO Online Banking:

  • Kopyahin ang huling 8 digits o characters ng Reference Number.

Para sa mga gagamit ng Coins.PH:

  • Kopyahin ang unang 9 digits o characters ng Reference Number.
    WAIS NA PAALALA: Maga-apply ang aming NCR Rates sa kada-transaksyon gamit ng form. Para malaman ang Palawan Pawnshop rates, i-check sa aming Pera Padala service page.

7. Kumpletuhin ang pera padala form

Pagkatapos makopya ang mga kailangan na reference number, bumalik sa Palawan Express Pera Padala online form at ilagay ang reference number sa baba, at pindutin na ang MARK AS PAID.

8. Ilagay ang OTP para i-verify ang transaksyon

Hintayin ang confirmation message ng Palawan Pawnshop sa iyong ibinigay na cellphone number na may naglalaman na OTP code o One-Time-Password.

Kapag natanggap mo na ang OTP, ilagay ito sa Pera Padala form para i-verify ang transaksyon.

Kailangan mong hintayin ang official text ng Palawan Pawnshop para ma-verify ang ginawa mong transakyon, Suki! Ito ay dagdag seguridad sa impormasyon at pera na ipapadala mo sa pamilya. Kaya ‘wag na ‘wag ito kalilimutan!

9. I-save ang transaction number

Huling step na ito, Suki! Hintayin mo muli ang official text ng Palawan Pawnshop na magkukumpirma na natanggap namin ang iyong transakyon at ipa-process na namin ang iyong pera padala.

Magbibigay ang Palawan Pawnshop ng official Tracking Number, ito ang gagamitin mo at ng iyong pinadalhan bilang reference code.

Paano i-claim ang pera padala sa Palawan Pawnshop?

Pagkatapos sagutan ang form, chikahin ang receiver na maghintay muna ng mahigit sa isang oras para ma-claim ang pinadalang pera sa pinakamalapit na Palawan Pawnshop branch.

Narito ang steps para i-claim ang perang ipinadala gamit ng Palawan Express Pera Padala online form:

  • Pumunta sa bukas na Palawan Pawnshop branch or Palawan Express outlet.
  • I-fill-out ang Receive Money Form. Kailangan mo ibigay ang mga sumusunod. Kumpletong pangalan ng nagpadala (Sender’s Name), complete name ng tatanggap ng pera (Receiver’s Name), PEPP Transaction Code, amount of remittance, Purpose of Transaction, at ang relasyon mo sa nagpadala ng pera.
  • Ilagay ang nasagutang Receive Money Form at valid ID sa tray na provided ng branch counter bago ibigay ito sa branch associate.
  • Pirmahan at tanggapin ang kopya ng computer-generated Receive Money Form.
  • I-check at bilangin nang mabuti ang natanggap na pera bago umalis sa Palawan Pawnshop branch

Mga Importanteng Paalala sa Palawan Express Padala From Home:

  1. Ang Palawan Express Online Padala ay maaari lang gamitin nationwide o sa Pilipinas lamang. Hindi pa available ang International remittance. May ibang uri ng transaction ang Palawan Express kung gusto mo magpadala abroad.
  2. Ang Palawan Express Online Pera Padala ay may minimum transaction na ₱1,000 at maximum ₱5,000 kada isang transaksyon.
  3. Dalawang beses lang lang pwede mag-transact sa isang araw.
  4. Ang maximum amount limit kada customer sa isang buwan ay ₱100,000.00 o ₱100,000.00/month.
  5. May service fee na babayaran ang magpapadala sa Palawan Express Online Padala. Susundin nito ang NCR Rates ng Palawan Pawnshop Pera Padala.
  6. Walang kailangan bayaran ang tatanggap ng pera sa Palawan Pawnshop o Palawan Express branch.
  7. Maghintay ng isang oras o mahigit para ma-transact at ma-claim ang pera padala sa Palawan Pawnshop o Palawan Express branch.

Ang dali lang sundin, Suki, di ba? Kung madalas ka rin naman mag-online pera padala, bakit hindi subukan ang Palawan Express Suki Card!

Gamit ang exclusive na Suki card, makakakuha ka ng maraming benefits gaya ng discounts sa pawn interest and remittance fees at rebates mula sa remittances mo.

Huwag nang matakot na subukan ang bagong handog na Online Pera Padala ng Palawan, Suki! Siguraduhing ligtas hindi lamang ang iyong sarili, pati na rin ang iyong pera!

Share: