Suki-fied Tips Kung Paano Magpadala ng Pera sa Palawan

‘Di ka sure kung paano magpadala ng pera sa Palawan Express? Sagot ka namin, Suki!

Sa usapang pagpapadala ng pinagpaguran mong sahod, dapat number one sagot mo ang Pera Padala ng Palawan Express bilang pinaka mura, mabilis, at walang kuskos-balungos na serbisyo sa buong bansa.

Higit sa 3,000 branches na ang Palawan Pawnshop sa buong Pilipinas, at marami na rin kaming online remittance partnersat in-person agents. Dibale kung nasa pinaka liblib na lugar ka o ang mga mahal mo sa buhay, makakaasa kang dadating nang ligtas at kumpleto ang remittance mo ngayon.

Photo courtesy of Angie Reyes via Pexels

Napakahalaga ang papel na ginagampanan ng mga money transfer services tulad ng Palawan Express Pera Padala.

Ayon sa isang 2022 survey, 31.8% lamang sa mga Pilipino ang may opisyal na account sa isang bangko. Halos 70% ng buong bansa ay walang kakayahang magbukas ng sarili nilang bank accounts, at nakadepende sila sa iba’t ibang klase ng money transfer services para sa pag-send at pag-receive nito.

Ngayon na umaahon tayo sa pandemya, marami pa rin tayong mga kapwa Pilipino na nakikipagsapalaran sa ibang lugar upang maghanap-buhay kahit malayo sila sa kanilang pamilya bilang OFW o manggagawa. Kasangga nila, noon hanggang ngayon, ang walang hassle at walang-kuskos balungos na serbisyo namin sa tatlong libo naming branches sa bansa.

Kaya ano pang hinihintay mo, Suki? Tuloy ka na sa aming mga super sulit na sagot kung paano magpadala ng pera sa Palawan Express, ngayon na!

Photo courtesy of Mari Gimenez via Pexels

How to do Palawan Express Pera Padala

Marami palang paraan para mag-money transfer sa branches at app namin! Heto ang limang pinaka karaniwang paraan upang magpadala ng iyong domestic remittance sa Palawan Pawnshop:

Branch to branch

1. Pumunta ka sa pinakamalapit na Palawan Pawnshop branch o Palawan Express Pera Padala branch.
2. Sagutin mo ang Send Money Form na ibibigay ng agent sa iyo sa branch, kasama ang karagdagang impormasyon: ang kumpletong pangalan ng Sender, mobile number ni Sender, ang kumpletong pangalan ni Receiver, mobile number ni Receiver, layunin ng transaksyon, at relasyon ng Sender sa Receiver.
3. Ilagay mo ang sinagot mong form kasama ang isang valid ID sa tray na ibibigay ng branch agent sa counter, at ibalik mo ang tray sa kanya.
4. Hintayin mong tawagan ang iyong pangalan bago ka magbayad ng principal remittance at fee.
5. Pirmahan at kunin mo ang iyong kopya ng computer-generated Send Money Form.
6. Makakakuha ka ng text message kapag pwede mo nang kunin ang iyong remittance.

Branch to PalawanPay

1. I-click mo ang “Home” icon sa iyong PalawanPay app.
2. I-click mo ang Cash-In option “Palawan Pawnshop-Palawan Express Pera Padala branch” na nakalista.
3. Pumunta ka sa pinakamalapit na Palawan Pawnshop branch o Palawan Express Pera Padala branch upang i-fill out ang iyong Cash-In Form. Ilagay mo rin ang iyong PalawanPay registered mobile number at amount to cash-in sa form.
4. Ibigay mo ang Cash-In Form at pera sa branch agent sa counter.
5. Hintayin mo ang confirmation text message at ang notification sa PalawanPay app para sa matagumpay na padala.
6. Tingnan mo ang iyong updated na balance sa PalawanPay app.

Libre at walang annual fees ang paggamit sa PalawanPay app. I-review mo lang rin ang katumbas na transaction fees na maaaring singilin sa iyong account ayon sa Branch to PalawanPay transaksyon na ito.

Photo courtesy of cottonbro studio via Pexels

PalawanPay to branch

1. I-click mo ang “Pera Padala Send Money” icon sa iyong PalawanPay app.
2. I-type mo ang kumpletong pangalan at mobile number ni Receiver.
3. Pumili ka sa isa sa mga nakalistang “Purpose” mula sa dropdown menu.
4. I-click ang “Next” icon at siguraduhin mong tama ang ang halaga na ipapadala mo at ang detalye ni Receiver. Kapag tama ang lahat, i-click mo ang “Confirm.”
5. I-type mo ang iyong MPIN at hintayin mong ipakita ang resibo ng iyong transaksyon sa PalawanPay app.

Pwedeng-pwede ang pagsagawa ng money transfer gamit ang iyong PalawanPay app upang kunin ito sa branches at partners namin sa buong bansa. Libre at walang annual fees din ang paggamit sa PalawanPay. I-review mo lang rin ang katumbas na transaction fees na maaaring singilin sa iyong account ayon sa Branch to PalawanPay transaksyon na ito.

Other partners to branch

Wondering how to send money from 7-11 to Palawan Pera Padala? Madali lang yan, Suki! Basta sa 7-11 ‘yan pwede kang magpadala ng remittance sa pinakamalapit na branch sa iyo ngayon.

Lapitan mo lang ang pinili mong Palawan Pawnshop domestic partner o international remittance partner para masimulan ang proseso ng transaksyon mo ngayon.

Other partners to PalawanPay

Kahit saan at kahit kailan, lalo pang mapapadali ang iyong cashless transactions dahil sa PalawanPay, Suki!

Basta domestic o international remittance partner namin yan sa app, pwede kang mag-send at receive ng remittances para sa mga mahal mo sa buhay. Abangan ang feature na’to, na malapit nang maging available sa PalawanPay.

Photo courtesy of Angie Reyes via Pexels

Pera Padala Tips and Reminders

Handa ka na ba magpadala, Suki? Heto ang ilang huling paalala para sa walang hassle na money transfer sa branch at app ngayong taon:

1. Kumuha ka ng Suki Card para sulit. Kapag kumuha ka ng Suki Card, makakatanggap ka ng ilang mga discounts at rebates sa bawat padala at sangla mo sa branch.
2. Siguraduhing tama ang impormasyon mo. Dibale kung online o in-person ang transaksyon mo, siguraduhing tama ang spelling at numbers para walang problema ang iyong pagpapadala.
3. Tingnan mo muna ang mga rates. Pwede mo ring i-calculate ang dagdag na fees mo kapag tiningnan mo muna ang Pera Padala rates ng iyong padala. Gawin mo ito bago ka dumating sa branch namin para walang mababawasan sa iyong padala.

Photo courtesy of cottonbro studio via Pexels

Sa Palawan Pawnshop, siguradong ligtas at kumpleto ang iyong padala, sa serbisyo na walang hassle at walang kuskos-balungos. Bilang pinaka mura at pinaka mabilis na money transfer and remittance service sa bansa, pwede mong suportahan ang iyong mga mahal sa buhay gamit ang pinagpaguran mong sahod ngayong taon.

Tuloy ka na sa pinakamalapit na Palawan Pawnshop branch ngayon para masimulan mo ang iyong super sulit journey, Suki! I-download mo na rin ang aming PalawanPay app para sa madali at mabilis na money transfer, kahit saan at kahit kailan.